भारत की संस्कृति के लिए... भाषा की उन्नति के लिए... साहित्य के प्रसार के लिए
विश्वामित्र के जनम / रामधारी सिंह ‘काव्यतीर्थ’
Kavita Kosh से
Rahul Shivay (चर्चा | योगदान) द्वारा परिवर्तित 20:36, 26 जुलाई 2017 का अवतरण ('{{KKGlobal}} {{KKRachna |रचनाकार=रामधारी सिंह 'काव्यतीर्थ' |अनुवाद...' के साथ नया पृष्ठ बनाया)
भारत देश महान छेलै, अभियो छै महान
ऋषि मुनि के देश छेलै राजा करै छेलै सम्मान
प्राचीन काल में राजा के शासन अभी तेॅ जनतंत्र प्रधान
एक समय में कान्यकुब्ज के राजा गाधि छेलै महान
राजर्षि कुशिक वंश के छेलै दीपक जाज्वल्यमान
यही वंश में जनमलोॅ छेलै राजर्षि विश्वामित्र बलवान
मैथुनी क्रिया सें सन्तानोत्पत्ति केरोॅ घोर विरोधी गाधि सन्तान
यही कारण सेॅ हुनको नाम विश्वामित्र प्रसिद्ध जहान
सत्यवती पुत्री गाधि के विश्वामित्र के पियारी बहन जान
सशरीर स्वर्गलोक ऊ गेलै परगट भेलै नदी कौशिकी महान
उत्तर बिहार में कोशी छै भीषण बाढ़ भसावै छेलै घोॅर मकान
बाढ़ोॅ सेॅ बचावै वास्तें तटबंधोॅ के करलकै बहुते बलवान
तैय्योॅ गोसैली हहयैली कोसी बांध तोड़ी केॅ अभियोॅ लै छै प्राण
