भारत की संस्कृति के लिए... भाषा की उन्नति के लिए... साहित्य के प्रसार के लिए
जीवन-4 / मथुरा नाथ सिंह ‘रानीपुरी’
Kavita Kosh से
Rahul Shivay (चर्चा | योगदान) द्वारा परिवर्तित 20:14, 18 सितम्बर 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
34.
छै नी ऊ सच्चा
जे जत्तेॅ गिरलोॅ छै
वहेॅ रे अच्छा।
35.
छेकै ऊ मित्र
दिलोॅ में जेकरोॅ रे
उतरै चित्र।
36.
छेकै दर्शन
जे करै छै दिलोॅ में
प्रभु चिन्तन।
37.
यादोॅ के बात
विरह-मिलन के
छेकै बारात।
38.
कैसनोॅ धोखा
अपनोॅ भी भागै छै
पाय केॅ मौका।
39.
ऊ एहसान
मानव के छेकै नी
ई पहचान।
40.
करोॅ कल्याण
भला करतौं तोरोॅ
ऊ भगवान।
41.
छेकै अधर्म
आदमी के संगे जे
करै कुकर्म।
42.
बहेॅ दुश्मन
काँटे रंग जेकरोॅ
छै चितवन।
43.
छेकै ई देश
करै छै सिया चोरी
साधु के वेश।
44.
करोॅ यकीन
जानो केॅ लै छै देखोॅ
जे छै हसीन।
45.
छेकै शैतान
भूलै छै केकरोॅ जे
ऊ एहसान।
