भारत की संस्कृति के लिए... भाषा की उन्नति के लिए... साहित्य के प्रसार के लिए
जीवन-5 / मथुरा नाथ सिंह ‘रानीपुरी’
Kavita Kosh से
Rahul Shivay (चर्चा | योगदान) द्वारा परिवर्तित 20:14, 18 सितम्बर 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
46.
बुरा नै सोचोॅ
बुरा रोॅ फल ही तेॅ
भरै छै खोछोॅ।
47.
छेकै ई धर्म
जे दोसरा के जानै
दर्द के मर्म।
48.
छैनी लगाव
चोरॅ सिपाही जी केॅ
दै छै सुझाव।
49.
छै भगवान
जेकरा देहें रहै
सदा ईमान।
50.
करी लेॅ खोज
बिना रे ठगलेॅ के
करै छै भोज।
51.
छेकै ई चोरी
कुर्सी पर करै छै
जे घुसखोरी।
52.
छेकै ऊ भ्रष्ट
लोगोॅ के हरदम
दैछै जे कष्ट।
53.
कैन्होॅ विरोध
लूटे प्रजातंत्र के
छेकै नी शोध।
54.
ई कदाचार
छोटोॅ बड़ोॅ के जहाँ
नै छै विचार।
55.
कत्तेॅ सहतै
ई मँहगाई सें रे
के नै मरतै।
56.
ई प्रदूषण
मानव-मानव के
करै शोषण।
57.
छेकै नी हार
पेटोॅ मंे तेॅ भूख छै
जीहोॅ पै लार।
