भारत की संस्कृति के लिए... भाषा की उन्नति के लिए... साहित्य के प्रसार के लिए
बाँटों मिली केॅ पियार / बिंदु कुमारी
Kavita Kosh से
Rahul Shivay (चर्चा | योगदान) द्वारा परिवर्तित 17:52, 2 नवम्बर 2017 का अवतरण ('{{KKGlobal}} {{KKRachna |रचनाकार=बिंदु कुमारी |अनुवादक= |संग्रह= }}{{KKC...' के साथ नया पृष्ठ बनाया)
एैलोॅ छै त्यौंहार अबकी
बाँटोॅ मिली केॅ पियार रे।
रंग-बिरंगा फूल कुम-कुम
फुली उठलोॅ छै कचनार रे।
झरैं केसर चंदन सगरें
देखों एैलै गरमी रितु भाय रे।
घुंघट तरें गोरी मुस्कै
सोनोॅ ऐन्हों रूप रे।
बहै छै सुन्दर बयार गगन मेॅ,
चहुँ ओर मस्त मजूर-किसान रे।
मुस्कैं छै बन-पर्वत सौंसेॅ
हँसै छै कचनार-टेसू फूल रे।
एैलोॅ छै त्यौंहार अबकी,
बाँटों मिली पियार रे।
गुँजै छै मल्हार कोयलिया,
मस्त होलै घर द्वार रे।
बुतरू-बच्चा रोॅ किलकारी सेॅ,
ऐंगना छै खुशहाल रे।
