भारत की संस्कृति के लिए... भाषा की उन्नति के लिए... साहित्य के प्रसार के लिए
बैशाख / बिंदु कुमारी
Kavita Kosh से
Rahul Shivay (चर्चा | योगदान) द्वारा परिवर्तित 17:52, 2 नवम्बर 2017 का अवतरण ('{{KKGlobal}} {{KKRachna |रचनाकार=बिंदु कुमारी |अनुवादक= |संग्रह= }}{{KKC...' के साथ नया पृष्ठ बनाया)
वैशाखोॅ के लू
सुखलै नद्दी झरना
बेकल छै मृग-मीन
आशा छै क्षीण
जेठोॅ के तॉव
होॅ-होॅ पछिया वॉब
मिलै नै छै कांही ठॉव।
गरमी सें परेशान छै
सब्भेॅ प्राणी
माँगै छै पानी।
आगिन बनी गेलोॅ छै वैशाख
दुबड़ी तांय जरी केॅ होय गेलोॅ छै राख
हे रितु वैशाख भाय
तोहीं छेकोॅ बरसा जननी
मारों नै ऐहिनोॅ तानी
विकल छौं तोरा सें सब्भेॅ प्राणी।
पछुआ बॉव सेॅ
बन-बन भटकै छै सब्भेॅ प्राणी
कांही नै मिलै छै पानी
कांही नै मिली रहलोॅ छै ठाँव
सब्भेॅ प्राणी बोली रहलोॅ छै
आबेॅ हमरानी कहाँ जॉव।
