जागो किसान / राधेश्याम चौधरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

राधेश्याम चौधरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जागोॅ हो किसान
करी केॅ नेत्रदान
ज्योतित करने छोॅ
दोसरा केॅ
आरो आपनोॅ
अध पेटोॅ, अधनंगोॅ
बच्चा बुतरू सीनी केॅ
केना केॅ जाड़ोॅ दिनोॅ मेॅ
बिल बिलाय लेॅ छोड़ी देनें छोॅ
लरूआ आरो भांगलोॅ गेंदरा पर
कुलबुलाय रहलोॅ छौं
छौंरा के ढेरी पर
कुत्ता रोॅ बच्चा नांखी।
देखोॅ!
तोरोॅ बुतरूआ सीनी
बुड़ी गेल्हौं
कोय नै पढ़लखौं-लिखलाखौं
सबठोॅ सुखी-सुखी केॅ
छुहाड़ा-किशमिश बनी गेलोॅ छौं।
मोॅन पूरा होय गेलोॅ
आपनोॅ देशोॅ के नेतवा के
हुवेॅ सावधान।
देश आपनोॅ कृषि प्रधान
छै हिन्दुस्तान महान।