भारत की संस्कृति के लिए... भाषा की उन्नति के लिए... साहित्य के प्रसार के लिए
आखर-आखर प्रीत लिखू / रूपम झा
Kavita Kosh से
Rahul Shivay (चर्चा | योगदान) द्वारा परिवर्तित 21:22, 9 मार्च 2018 का अवतरण ('{{KKGlobal}} {{KKRachna |रचनाकार=रूपम झा |अनुवादक= |संग्रह= }} {{KKCatMaithiliRach...' के साथ नया पृष्ठ बनाया)
आखर-आखर प्रीत लिखू
जन जीवन केर गीत लिखू
सुन्दर चल लगाबी उपवन
धार बनाबी कंचन-कंचन
करू ज्ञान विज्ञानक चिन्ता
पोर-पोर पर जीत लिखू
जन जीवन केर गीत लिखू
समय आगि उगलै अछि प्रतिपल
मोन भए रहल बेकल-बेकल
सिर्घ मेटाउ ताप बाट सँ
डेग-डेग पर शीत लिखू
जन जीवन केर गीत लिखू
जाति-धरम के भेद मेटाउ
नहि जिनगीक कठिन बनाउ
सबहक जति एक मानव अछि
सभकेर आपन मीत लिखू
जन जीवन केर गीत लिखू
