भारत की संस्कृति के लिए... भाषा की उन्नति के लिए... साहित्य के प्रसार के लिए
तेरि याद / ओम बधानी
Kavita Kosh से
Abhishek Amber (चर्चा | योगदान) द्वारा परिवर्तित 21:51, 10 मार्च 2018 का अवतरण ('{{KKGlobal}} {{KKRachna |रचनाकार=ओम बधानी }} {{KKCatGadhwaliRachna}} <poem> आई तेरि याद,...' के साथ नया पृष्ठ बनाया)
आई तेरि याद, तब आई तेरि याद
क्वी कुटमुणी जु देखि फूल बणदा
क्वी भांैरू देखि फूल पर उड़दा
तब आई तेरि याद
कैकि गल्वाड़्यौं म एक लटुली लटकदा
कैकि आंख्यौं म माया जब देखि चमकदा
तब आई तेरि याद
कैकि मुखड़ि म सरम कि लालि चड़दा
क्वी तरूणि देखि जब ज्वानि क बथौं म उड़दा
तब आई तेरि याद
कैकि आंखि लुकि छिपि कैतैं खुजौंदा
झझक्दा डरदा देखि क्वी जब छुयौं मिसौंदा
तब आई तेरि याद
कंप कंपांदी उंठड़्यौं दांत्यौ म दबौंदा
क्वी तरूणि देखि जब नजर लुकौंदा
तब आई तेरि याद।
