भारत की संस्कृति के लिए... भाषा की उन्नति के लिए... साहित्य के प्रसार के लिए
त्येरि प्रीतौ रंग मा यनु रंग्योँऊँ / विजय गौड़
Kavita Kosh से
Abhishek Amber (चर्चा | योगदान) द्वारा परिवर्तित 16:40, 11 मार्च 2018 का अवतरण ('{{KKGlobal}} {{KKRachna |रचनाकार=विजय गौड़ }} {{KKCatGadhwaliRachna}} <poem> त्येरि प्...' के साथ नया पृष्ठ बनाया)
त्येरि प्रीतौ रंग मा यनु रंग्योँऊँ ,
हल्दण्या , ललंगु अर झणि कै-२ रंग मा रंगे गेऊं।
मन अज्यूँ बि उनि ८ साल पैलि कु छोरा सि उतड़ेंदु त्वै देखि कि,
या हैंकि बात च कि आज मि जरसि बुड्या हवै ग्येऊँ।।
आठ जिंदगि से भुरयां साल,
कबि उंदार, कबि उकाल।
हैंसि, रवैई, खैरि, विपदा कैकि बि कमि ना,
हरेक दिन मि त्वैमा जरसि हौरि डुबे गेऊं।
हल्दण्या , ललंगु ........।
तु बि यनि हिटणि रै मैं जना,
मि त उनि अटगुणु रौंदु त्वै जना।
यनि साम-सबेर, रात-दिनौं, अता-पता इ नि चलु जु,
जरसि तु मेरि हूंदि रै, भंडि सि मि तेरु जौंऊं।
तेरि प्रीतौ.....
हल्दणयां, ललंगु.....।
