भारत की संस्कृति के लिए... भाषा की उन्नति के लिए... साहित्य के प्रसार के लिए
इनमा कनक्वे आण बसंत / वीरेंद्र पंवार
Kavita Kosh से
Abhishek Amber (चर्चा | योगदान) द्वारा परिवर्तित 17:17, 11 मार्च 2018 का अवतरण ('{{KKGlobal}} {{KKRachna |रचनाकार=वीरेंद्र पंवार }} {{KKCatGadhwaliRachna}} <poem> एक स...' के साथ नया पृष्ठ बनाया)
एक समौ बदलेणु छ
हैकी तरपा सूखा शंख
इनमा कनक्वे आण बसंत
डांडा जांदन धार इ धार
डालियों माँ नी ये मौलियार
फागुन रैगे पोडुयु निचंत
लाल बुराश ग्वेर बन्यु
सर्ग दीदा लमडेर बन्यु
फल्लू जूदा आणी असद !
फ्योली को टपराट होयु!
म्वार्यु को ऐडाड पोडूय़ू
भौरा पोतला हौर बि चंट
बादल बिराणा देश जया
बारामासा रैनि खुदया
कैको काखी नि आंदो छंद !
जैकी फिर नि बौडी बहार
गीतोनो खोजी मन को उड्यार
कवी गैल्यो का रन्त न मंत
खौल्येनी रंग होर्यु का
दिन नी गैनी खौर्यु का
मोर सिगाड बि ह्वेनी बंद।
