कलम / विमल गुरुङ

रात सार्‍है लामो भयो
रात चिर्छ मेरो कलम
दिन उघार्छ मेरो कलम उज्यालो मन पराउंछ ।

मेरो कलम
कहिले काहिं हुन्छ पनि
हांस्छ पनि/मुस्कुराउँछ
ब्यंग्य गर्छ
माकुराहरुलाई देख्दा
खाउँला झैं गरी हेर्छ ।

मेरो कलम, सार्‍है अनौठो छ
मेरो कलमको
टाउको पनि छ
मुख पनि छ ।

मेरो कलम बिरोध गर्छ
समर्थन गर्छ
मुद्दा लाड्छ
युद्ध गर्छ
बहस गर्छ
सबभन्दा गौरब त यो छ कि
मेरो कलम
हरेक मुठभेटमा रातसंग झगडा गर्छ ।