भारत की संस्कृति के लिए... भाषा की उन्नति के लिए... साहित्य के प्रसार के लिए
मैले दियो जलाइन - १ / विमल गुरुङ
Kavita Kosh से
Sirjanbindu (चर्चा | योगदान) द्वारा परिवर्तित 15:45, 27 मार्च 2018 का अवतरण ('{{KKGlobal}} {{KKRachna |रचनाकार= विमल गुरुङ |अनुवादक= |संग्रह= }} {{KKCatK...' के साथ नया पृष्ठ बनाया)
किन जलाउनु?
किन मैले जलाउनु?
के घाम उदाइसक्यो?
के हामीले अन्तिम जीत प्राप्त गरिसक्यौं?
मैले दियो जलाइन ।
म बार्षिक परिक्षा ६ महिनामा दिंदिन
मैले दियो जलाइन
जबसम्म हामी अन्तिम जीत पाइसक्तैनौ
तबसम्म म
मुक्तिको दियो जलाउन सक्तिन
स्वतन्त्रताको दियो जलाउन सक्तिन
खुशीका बादलहरु
मेरो अनुहारको आकाशमा मडराउन सक्तिन ।
मैले दियो जलाइन
उनीहरुले भनेर हुन्छ?
जबसम्म मैलाहरुलाई महासवरमा लगेर
फाली सकिंदैन
जबसम्म सगरमाथाको सिरानमा पुगिसकिंदैन
तबसम्म म जीतको दियो जलाउन सक्तिन
तबसम्म
म घर अगाडिको सिंढिमा
लश्करै मैनबत्तीहरु उभ्याएर झल्मलाउन सक्तिन
काम अझै थुप्रै छन्
उनीहरुले भनेर हुन्छ ?
मैले दियो जलाइन
के वीर बहादुरले रोटी पाउने पक्का भइसक्यो?
