भारत की संस्कृति के लिए... भाषा की उन्नति के लिए... साहित्य के प्रसार के लिए
ह्वेल / विमल गुरुङ
Kavita Kosh से
Sirjanbindu (चर्चा | योगदान) द्वारा परिवर्तित 10:09, 28 मार्च 2018 का अवतरण ('{{KKGlobal}} {{KKRachna |रचनाकार= विमल गुरुङ |अनुवादक= |संग्रह= }} {{KKCatK...' के साथ नया पृष्ठ बनाया)
म आउँदैछु
तपाईहरुको सहयोगको लागि आउँदैछु
तपाईहरुको मोर्चामा
एक संख्या थपिएर आउँदैछु ।
यो टाढाको कोठाबाट
म तपाईहरुलाई शुभकामना मात्र दिन सक्दिन
यो टाढाको कोठाबाट
म रातदिन आँखाबाट धारा बगाउँदै
तपाईहरुलाई कल्पन मात्र सक्दिन
एक भाग दुख आफूभित्र पारेर
तपाईहरुलाई अलिकति हलुँगो पार्न आउँदैछु
म समुद्रको वक्षस्थलमा हाम फाल्न आउँदैछु
म जर्जराउँदो राँको भएर आउँछु
बल्छु धप्धप
र खाग पार्छु अयोध्या !
म आउँदैछु
तपाईहरुको सहयोगको लागि आउँदैछु
तपाईहरुको मोर्चामा
एक संख्या थपिएर आउँदैछु ।
तपाईहरु संगसंगै हिड्न आउँदैछु
रगताम्य र गौरबशाली बाटोमा हिंड्न आउँदैछु
म्यागेलेनको काठको गाडीमा
ह्वेल समात्न आउँदैछु ।
म आउंदैछु
हलोमा काँटी ठोक्न आउँदैछु
म आउँदैछु
तपाईहरुको सहयोगको लागि आउँदैछु
तपाईहरुको मोर्चामा
एक संख्या थपिएर आउँदैछु ।
