फूल के कहानी / राम सिंहासन सिंह

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

राम सिंहासन सिंह »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अप्पन राम कहानी बोलऽ
केकरा से हम कहियो
भीतर-भीतर अप्पन पीड़ा
बोलऽ कब तक सहियो।
जानऽ ही हम-हम्मर स्वागत
होअऽ हे सब काजऽ में
आदर पावऽ ही हम सबसे
जग के सभे समाजऽ में।
सभे तरह के लगन-जोग में
पूजा-तिलक बियाह में
हमरे पहले खोजऽ हथ सब
मनके जगल उछाह में।
हमरे खातिर ‘राम’ बाग में
अयलन खूब सबेरे
हमरे सँग फिर सीता जी से
मिललन धीरे-धीरे।
धनुस-भंग जब होलइ देखऽ
कइसन घटना घटलइ
सीता मिलन बाद में पहले
जयमाला ही मिल गेलइ।।
हम ही फूल हमर इ रुतवा
सगरो इहाँ बढ़ल हे
लेकिन कीट भरलऽ हे।
प्रभु आब-आब राह दिखाबऽ
सुन्नर मन बन जाये
जे भी हमरा हाथ लगाबेऽ
ओकरा घर सज जाये।।