भारत की संस्कृति के लिए... भाषा की उन्नति के लिए... साहित्य के प्रसार के लिए

कोई बात नीं / ॠतुप्रिया

Kavita Kosh से
आशिष पुरोहित (चर्चा | योगदान) द्वारा परिवर्तित 20:14, 3 अप्रैल 2018 का अवतरण ('{{KKGlobal}} {{KKRachna |रचनाकार=ॠतुप्रिया |अनुवादक= |संग्रह=ठा’...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

कोई चीज
म्हां स्यूं टूटज्यै
तद थूं कैवै
कोई बात नीं

कोई चीज
म्हां स्यूं फूटज्यै
तद थूं कैवै
कोई बात नीं

कोई चीज
म्हां स्यूं ढुळज्यै
तद थूं कैवै
कोई बात नीं

कोई चीज
म्हां स्यूं गमज्यै
तद थूं कैवै
कोई बात नीं

कोई चीज
म्हां स्यूं बळज्यै
तद थूं कैवै
कोई बात नीं

कोई चीज रौ
कित्तौई नुकसान हुज्यै
म्हां स्यूं
तद ई थूं कैवै
कोई बात नीं

कित्तौ भरोसौ है थांनै
म्हां माथै

स्यात थानै
प्रेम हुग्यौ दीसै
म्हां सूं ।