भारत की संस्कृति के लिए... भाषा की उन्नति के लिए... साहित्य के प्रसार के लिए
धाप्योड़ा रमै चैस / मोनिका गौड़
Kavita Kosh से
आशिष पुरोहित (चर्चा | योगदान) द्वारा परिवर्तित 18:38, 8 अप्रैल 2018 का अवतरण ('{{KKGlobal}} {{KKRachna |रचनाकार=मोनिका गौड़ |अनुवादक= |संग्रह=अं...' के साथ नया पृष्ठ बनाया)
धाप्योड़ा रमै चैस
कूड़ी गंभीरता चेप्यां
टाट खुजावता सोचण रो नाटक रचै
मन में तय चाल नैं ईज घूमावता
दिखावै शिष्ट वैवार
पण गोटी मारण री टैम
झट दिख जावै कै
जीतणै सूं बेसी है
गोटी मारण रो सुख
असल में खेल जोर दिखावण रो है।
धाप्योड़ा रमै चैस
हाजरीया पुरावै काजू, बिदाम, चाय
अर ड्रिंक्स रा रीत्योड़ा भांडा
असवाड़ै-पसवाड़ै हाथ बांध्या खड़्या
सीखणी चावै शह-मात री बाज्यां।
धाप्योड़ा रमै चैस
भूखा-नागा बणै प्यादा अर बोट
चौसर में चौतरफा पीटीजण नैं
धाप्योड़ा धोळपोसिया होळै-होळै खेलै चैस
नूरा-कुस्ती ज्यूं...।
