भारत की संस्कृति के लिए... भाषा की उन्नति के लिए... साहित्य के प्रसार के लिए
हरियल कंदरावां जीवणी चावै म्हारी स्यांति / मोनिका गौड़
Kavita Kosh से
आशिष पुरोहित (चर्चा | योगदान) द्वारा परिवर्तित 19:01, 8 अप्रैल 2018 का अवतरण ('{{KKGlobal}} {{KKRachna |रचनाकार=मोनिका गौड़ |अनुवादक= |संग्रह=अं...' के साथ नया पृष्ठ बनाया)
कंवळै काळजै उकळै
ऊंडै कठैई
डाफाचूक अंतस-अगन री कळझळ
सोखती रैवै
म्हारी तागत री सी’ल....
आकळ-बाकळ
मन री फडफ़ड़ाहट माथै
बजाय देवूं
कोई ऊल-जुलूल फिल्मी धुन
लोक-बैवार रै तानपूरै
अर बसबसतै काळजै
घावां भेळो हुय जावै
कोई नुंवो घाव
रिस्तां री सांकळ रो !
कद होवूं मुगत
कियां जाणूं खुद रो होवणो
होवणो चावूं
सा’व थिर-स्यांत चित्त
पौर-पौर
विरोध अर
उपराथळी पसरîै विचारां री ढिगली में दबी
म्हारी ‘क्लॉस्ट्रोफोबिक’ चींत
जावणी चावै
हरियल कंदरावां में
निजू मून सागै
जीवणी चावै
म्हारै पांती री स्यांति!
