भारत की संस्कृति के लिए... भाषा की उन्नति के लिए... साहित्य के प्रसार के लिए
छिटगा-2 / शान्ति प्रकाश 'जिज्ञासु'
Kavita Kosh से
Abhishek Amber (चर्चा | योगदान) द्वारा परिवर्तित 14:56, 9 अप्रैल 2018 का अवतरण ('{{KKGlobal}} {{KKRachna |रचनाकार=शान्ति प्रकाश 'जिज्ञासु' }} {{KKCatGadhwaliRach...' के साथ नया पृष्ठ बनाया)
1.
अपड़ा मन कु भेद कैमा नि खोलण
बिना मतलबै बात कैमा नि बोलण
दाना बोल्यूं अर औळों कु स्वाद
काम बिगड़ जांद तब आंद याद ।
2.
अपड़ा अपड़ां से दूर हूंणा छन
बिरणा गौळा भिंटेकी रोणा छन
खुद बिसराणौ बक्त नी मिलणू
आंसू पेट का पेट बुसेणा छन।
3.
नांगा खुट्टोंन नपनी बाठा
चिरोड़ा लगनी जौं गत्यूं पर
खौरी दुखरि उमर भर खै
जस नि रै तां हत्थ्यूं पर ।
4.
जिन्दगी च दिया की बाती
बसन्त ऋतु की फूल पाती
वक्त चा त भेंट जांदी
भोळ परबात रांदी नि रांदी।
5.
मै तैं पता च यु ह्वै नि सकदू
फिर भी भोळै आस नि छोड़दू
लोग छोड़ देंदन जरा मा हाथ खुट्टा
मि मुसीबत मा भी हार नि मन्दू ।
6.
ऋषि मुन्यूं की भूमि च या
देव लोक कु माटू च
गुजर बसर हो कनमा इख
जब तिरीस रुप्या किलु आटू च।
