भारत की संस्कृति के लिए... भाषा की उन्नति के लिए... साहित्य के प्रसार के लिए
हियै में हेत उपजायां / मोहम्मद सद्दीक
Kavita Kosh से
आशिष पुरोहित (चर्चा | योगदान) द्वारा परिवर्तित 17:15, 14 जून 2018 का अवतरण ('{{KKGlobal}} {{KKRachna |रचनाकार=मोहम्मद सद्दीक |अनुवादक= |संग्रह=...' के साथ नया पृष्ठ बनाया)
हिये में हेत उपजायां
मिनख री जात परखीजै।
अणूतै आंखरां री भीड़ में
कद बात परखीजै।
मुळकणो मोकळो आछो
परख कोठै री होटां पर
निजर में नीम घुळतांई
पुड़त में घात परखीजै।
बिहूणै हेत रै हित आंख री
पोथी नै बांचै तो
बिलखती आस रा ओसार
ढळती रात परखीजै।
निमाणा नैण पुरसी बानगी
दो च्यार मोत्यां री
पलक रा पावणा मुळकै
ढळै जद बात परखीजै।
भरम रा भूत मिनखां री
मती नै रोज चंचेड़ै
अणूती टाकरां पण हाण-
हारयां मात परखीजै।
