भारत की संस्कृति के लिए... भाषा की उन्नति के लिए... साहित्य के प्रसार के लिए

छम्मर छम्मर नाचै / मोहम्मद सद्दीक

Kavita Kosh से
आशिष पुरोहित (चर्चा | योगदान) द्वारा परिवर्तित 17:16, 14 जून 2018 का अवतरण ('{{KKGlobal}} {{KKRachna |रचनाकार=मोहम्मद सद्दीक |अनुवादक= |संग्रह=...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

छम्मर छम्मर नाचै
म्हारी भोळी भोळी गुडिया
काळजै री कोर म्हारै
नैड़ी नैड़ी उडिया।

रूपाळो लीलाड़ थारो
नैणां नैना छळका
नेही नेही नैणां सूं तूं
आंसूड़ा ना ढळका
रूसणै सूं रूप झरै
लाडो पाछी मुड़िया
छम्मर छम्मर नाचै
म्हारी प्यारी प्यारी गुडिया।

मिसरी सिरसा मीठा आखर
तरमर तरमर चालै
आंगणै में रम्मै नाचै
कुण बांनै पालै
ममता ममोळी म्हारी सोणी सोणी गुडिया
छम्मर छम्मर नाचै म्हारी
भोळी भोळी गुडिया।
गणमण गणमण घूमर घालै
मधरी मधरी मुळकै
टम्मर टम्मर देखै सामी
हियो म्हारो हुळकै
मनडै री मोज सावण
लोरां सिरसी उडिया
छम्मर छम्मर नाचै
म्हारी प्यारी प्यारी गुडिया

आंगणै रा चांदणा रै
बीजळी रा भळका
सूरत थारी लागै जाणै
आरसी रा पळका
हिये री हिलोर म्हारी
भोळी भोळी गुडिया
छम्मर छम्मर नाचै म्हारी
प्यार प्यारी गुडिया।