कवि सिद्धिचरणको ‘मेरो प्रतिबिम्ब’ प्रति / बालकृष्ण सम

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

बालकृष्ण सम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

क्यै जिते झैं, क्यै संझे झैं,
को त्यो पथमा गाइरहेको ?
मानिस जस्तै सुरु सुरु हिंड्दै
सबलताले तीय निखन्दै

को त्यो पथमा गाइरहेको ?
दुइटा खम्बा बलियो भित्ता,
भित्ता मास्तिर एउटा छाना
राखी, यो हो आलय भन्दै

पुस्तकहरुले तानिरहे झैं
को त्यो पथमा गाइरहेको ?
झुट नचिन्ने, सत्य अँगाल्ने,
चढ्दै मास्तिर म गिरें भन्ने,

वातावरण नै भूषित पार्ने,
वरपर हेरी अड्न नसक्ने
को त्यो पथमा गाइरहेको ?

आकृति हो तर रुप अनूप,
भाषा हो तर भाव अपूर्व,
मान्छे हो तर आत्मा उच्च,
चारैतिरको मुक्त विचार
यो तेरो प्रतिविम्व उडेको !

(नोट- पं. बदरीनाथद्वारा सम्पादित पुस्तक पद्यसङ्ग्रह बाट भाषाका तत्कालिन मान्यतालाई यथावत राखी जस्ताको तस्तै टङ्कण गरी सारिएको)