फगुवा ना / मनोज कुमार ‘राही’

सैयां चलोॅ ना नैहरवा अइलै फागुन ना,
सखी रे सहेलिया मोरा सब चली गइलै,
हमहूँ जइबै आपनोॅ नैहरवा ना
सैयां चलोॅ ना

तोहरोॅ सभ्भेॅ बतिया हम्में मानै लै छियौं,
तोहें मानी लेॅ हमरोॅ यहेॅ बतिया ना
सैयां चलोॅ ना

भौजी के फोनवाँ आझे अइलोॅ छै,
मय आरो बाबू हमरोॅ राह ताकै छै,
सैयां चलोॅ ना

होरिया के नेतवा तोहरोॅ भेजबइलेॅ छौं,
छोटकी बहिनिया हमरोॅ तोहरोॅ बुलैलेॅ छौं
सैयां चलोॅ ना

सोचीसोची मनवाँ हमरोॅ हुलसै छै,
भौजी संग होलिया खेलबै नैहरवा ना
सैयां चलोॅ ना