भारत की संस्कृति के लिए... भाषा की उन्नति के लिए... साहित्य के प्रसार के लिए
जुड़ाव / लक्ष्मीनारायण रंगा
Kavita Kosh से
आशिष पुरोहित (चर्चा | योगदान) द्वारा परिवर्तित 21:06, 24 जुलाई 2018 का अवतरण ('{{KKGlobal}} {{KKRachna |रचनाकार=लक्ष्मीनारायण रंगा |अनुवादक= |स...' के साथ नया पृष्ठ बनाया)
जणै
किणीं आंख रा आंसू
म्हारी
आंखड़ल्यां मांय
घुळ जावै,
जणैं
कैई हिरदै रो दरद
म्हारै
काळजे री कुळण
बण जावै,
जणैं
कैई री हार
म्हारै
जिनगाणी रै पगां नै
थका देवै,
जणै
कैई रो भार
म्हारै
मन रो भार
बण जावै
जणै
किणीं रै मन रो सुख
म्हारै
होठां री मैन्दियां, मुळक
रच जावै,
तो हुवै पतियारो कै
अजै तांई
मिनख-मिनख सूं
पूरी तरियां कोनी टूटयो,
कठैई न कठैई
गैराई में जुड़ियोड़ो है
