भारत की संस्कृति के लिए... भाषा की उन्नति के लिए... साहित्य के प्रसार के लिए
एहि भयाओन समयमे / गंग नहौन / निशाकर
Kavita Kosh से
Jangveer Singh (चर्चा | योगदान) द्वारा परिवर्तित 02:22, 19 सितम्बर 2018 का अवतरण (' {{KKGlobal}} {{KKRachna |रचनाकार=निशाकर |अनुवादक= |संग्रह=गंग नहौन...' के साथ नया पृष्ठ बनाया)
बेरोजगारीक मारि
सहऽ बलाक लेल
रोजगार पाएब
होइत अछि स्वप्न सन
एहि भयाओन समयमे।
पसरैत अछि लोमहर्षक दृश्य
हॉलीबुडसँ वॉलीवुड धरि
संसदसँ सड़क धरि
शिक्षालयसँ वेश्यालय धरि
आ गलीसँ ओछाओन धरि
एहि भयाओन समयमे।
आन्हर कानून
नाँगर प्रशासन
बौक विचारक
आ घाघ होइछ मंत्री
एहि भयाओन समयमे।
आब
के मानत?
ककर बात
टूटैछ सम्बन्ध
जन्म लैछ
मोनमे कुण्ठा
एहि भयाओन समयमे।
