भारत की संस्कृति के लिए... भाषा की उन्नति के लिए... साहित्य के प्रसार के लिए
घर / गंग नहौन / निशाकर
Kavita Kosh से
Jangveer Singh (चर्चा | योगदान) द्वारा परिवर्तित 02:22, 19 सितम्बर 2018 का अवतरण (' {{KKGlobal}} {{KKRachna |रचनाकार=निशाकर |अनुवादक= |संग्रह=गंग नहौन...' के साथ नया पृष्ठ बनाया)
मनुक्ख
पहिने छल वनमानुख
रहैत छल जंगलमे
फेर गाछक छालसँ
झाँपै छल
नाँगट देह
तकर बाद
रौदीक ताप
जाड़क शीतलहरि
आ बरसातक पाथरसँ बचैक लेल
बनबऽ लागल
अपन घर।
खाली माटि आ पानिसँ न´ि
फूस आ बाँससँ न´ि
पजेबा आ सिमटीसँ न´ि
अपितु बाबकी दुलार
मायक ममता
पिताक अनुशासन
आ बुचियाक किलोलसँ
बनैछ घर।
जेना चानक प्रतीक्षामे
चकोर
ओहिना परदेशी पुत्रक प्रतीक्षामे
घर।
