भारत की संस्कृति के लिए... भाषा की उन्नति के लिए... साहित्य के प्रसार के लिए
फुलवारी / एस. मनोज
Kavita Kosh से
Rahul Shivay (चर्चा | योगदान) द्वारा परिवर्तित 19:46, 21 दिसम्बर 2018 का अवतरण ('{{KKGlobal}} {{KKRachna |रचनाकार=एस. मनोज |अनुवादक= |संग्रह= }} {{KKCatMaithiliRac...' के साथ नया पृष्ठ बनाया)
आबें बौआ देखें तों सभ
की सभ छै फुलवारी में
कतेक रास सभ फूल खिलल छै
एतय क्यारी-क्यारी मे
रंग बिरंगक जूही चंपा
एतय गम-गम गमकै छै
पातक उपर बुन्न ओसकें
मोती जैसन चमकै छै
तितली, गैरसिकिया क देखहीं
ओहि फूल पर आबै छै
फूल पर बैसल कीट फतिंगा
सभहक मोनक भाबै छै
भौरा, मधुमांछी के देखहीं
फूले दिस ओ आबि रहल
भन्न-भन्न आवाज लगै अछि
पंचम स्वरमे गाबि रहल
रंग-रंगक खिलल फूल सभ
प्राकृतिक उपहार थिकै
गूथयकें जँ कष्ट सहै त
भगवानोक हार थिकै
सभे फूल दै अछि सनेस इ
अहौं सभ मुस्काबै जाउ
सभ मानव एक संग रहू आ
अपन धराकें स्वर्ग बनाउ।
