मइया ओढ़ के आएल / उमेश बहादुरपुरी

गाबऽ गाबऽ गाबऽ यार ठूमरी।
मइया ओढ़के आएल हे लाल चूनरी।।
देख-देख मइया के कहे मोर मनमा।
मइया के चरनिया में हे चारो धममा।
लागऽ हे मइया ऐसे जइसे कोय सूनरी।। गाबऽ ...
ऊँचे रे पहड़बा पर मइया के डेरबा।
मइया के सबरिया हे देखऽ शेरवा।
ऐसे चमके मइया मोर जइसे कोय मूनरी।। गाबऽ ....
करऽ हे बहादुरपुरी मइया से विनतिया।
तोड़िहा ना मइया हमरा से पिरितिया।
तोहरे पर टिकल हे हम्मर ई जिंदगी।। गाबऽ...