भारत की संस्कृति के लिए... भाषा की उन्नति के लिए... साहित्य के प्रसार के लिए
चलऽ देवघर नगरिया / उमेश बहादुरपुरी
Kavita Kosh से
सशुल्क योगदानकर्ता ४ (चर्चा | योगदान) द्वारा परिवर्तित 21:56, 1 मार्च 2019 का अवतरण ('{{KKGlobal}} {{KKRachna |रचनाकार=उमेश बहादुरपुरी |अनुवादक= |संग्रह...' के साथ नया पृष्ठ बनाया)
दिल्ली नीक लागे न´् नीक लागे।
नीक लागऽ हे न´् कोलकत्ता शहरिया।
चलऽ चलऽ हो पिया तनी चलऽ।
चलऽ चलऽ तूँ देवघर नगरिया।
भोजपुर नीक लागे न´् जयपुर नीक लागे।
नीक लागऽ हे न´् मीना बजरिया।
चलऽ चलऽ हो पिया तनी चलऽ।
चलऽ चलऽ तू बाबा के शहरिया।।
लहँगा नीक लागे न´् महँगा नीक लागे।
नीक लागऽ हे न´् कउनो चदरिया।
चलऽ चलऽ हो पिया तनी चलऽ
चलऽ चलऽ तूँ बाबा के डगरिया।।
झुमका नीक लागे न´् ठुमका नीक लागे।
नीक लागऽ हे न´् कउनो जेवरिया।
चलऽ चलऽ हो पिया तनी चलऽ।
चलऽ चलऽ तूँ बाँध के पगड़िया।।
चंपा नीक लागे न´् चमेली नीक लागे।
नीक लागऽ हे न´् कउनो फुलवरिया।
चलऽ चलऽ हो पिया तनी चलऽ।
चलऽ चलऽ तूँ बनके काँवरिया।।
