सजनियाँ की होतइ / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बहऽ हे सावन में गरम बयार सजनियाँ की होतइ।
फटल खेतवा में बड़का दरार रोपनियाँ की होतइ।।
ऐसन गरमी देख-देख के जेठ-बइसाख लजा हे।
देलन बिधाता जाने कइसन कउन जनम के सजा हे।
रोबऽ हे अँखिया जार-बेजार सजनियाँ की होतइ।। फटल ....
दूर-दूर तक हमरा कहयँ पानी नजर न´् आबऽ हे।
आँख-मिचौली खेलते बदरा मनमाँ के ललचाबऽ हे।
काहे मौसम हो गेलइ बीमार सजनियाँ की होतइ।। फटल ....
दुलहिन जइसन खेत सजऽ हल हर बरीस सावन में।
मन-मयूरा नाचऽ हलइ हर बरीस सावन में।
बरसऽ हल दिन-रात रिमझिम फुहार सजनियाँ की होतइ।। फटल ....
कूक सुनऽ ही कोयल के न´् नाचे मोर पहिन पइजनियाँ।
कइसे गइतै हाँथ जोड़के झूमर अब दुलहिनियाँ।
कब अँखिया में छइतइ खुमार सजनियाँ की होतइ।। फटल ....