मार देथिन पीस के / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हम्मर उमर हे बाबू बीस के,
ई धनियाँ हथिन तीस के हो।
डर लागे हमरा ई बात के,
ई मार देथिन पीस के हो। हम्मर ....
हम हीऐ करिआ ई हथिन सामर,
हम ही ठिंगना ई हथिन लम्हर।
रहे ले चाही हम तो दूर-दूर,
ई लाबे हमरा खींच के हो।। डर ....
इनखा देखके डर ऐसन लागे,
भूत बैताल देख लोक जइसे भागे।
ई चाभे ले दिखावे हमरा दाँत,
अप्पन बत्तीस से हो।। डर ....
हम भागी दूर ई कहे बनऽ तिरसठ,
बना देबो सइयाँ जी तोहरा लंपट।
कइसुँ करके कर दऽ ए बाबा,
रिश्ता दुनहुँ के छत्तीस के हो।। डर ....
रात हो या दीन कहे चलऽ संग-संग,
रख देलक करके हमरा तंग-तंग।
हमरा पर उतारे रात रात भर,
ई तो अप्पन खीस के हो।। डर ....
एकरा से बढ़ियाँ रहतूँ हल कुँआरे।
ऐसन मेहररूआ के, के अब सम्हारे।
ई रख देलक अपन मसिनियाँ में,
हमरा के घीस के हो।। डर .....