काहे ले तूँ जात पुछऽ हऽ / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी » संगम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

काहे ले तूँ जात पूछऽ हऽ भइवा हम तो बाभन ही
समझऽ हथ हमरा सब सुक्खल पर हम भइया सावन ही
जब-जब आग लगल धरती पर हमहीं आग बुझइलूँ
मर-कट रहल हल भाई-भाई तब हमहीं समझइलूँ
समझऽ हऽ हमरा तूँ अछूत पर हम तो भइया पावन ही
काहे ...
जालिम समझऽ हऽ हमरा तूँ खूनी तक समझऽ हऽ
एकरो से जादे हमरा तूँ शोषक पुश्तइनी समझऽ हऽ
हिअइ राम के वंशज हम नञ् हम तो भइया रावण ही
काहे ....
उगलाबऽ ही हीरा-मोती चीर के धरती के सीना
लौह-पौरुष पिघलाबऽ ही बहाके खून-पसीना
खुद्दे पियासल रहके, हम तो पिआस बुझाबन ही
काहे ....
केकरो से भी लटर-पटर नञ् नञ् केकरो से खटर-पटर
घुनुर-घुनुर बतियाबऽ ही नञ् करऽ ही नञ् फटर-फटर
तूँ हमरा जे समझऽ पर हम तो भइया मन-भावन ही
काहे ....
दिनकर अउ दिवाकर हम, सहजानंद सरस्वती हिअइ
कहँय प्रभाकर भास्कर, हम पोरुष के बलवती हिअइ
सब हमरा दागी समझऽ हऽ उज्जर हम तो दामन ही