रिमझिम बरसै पनियाँ / ब्रह्मदेव कुमार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ब्रह्मदेव कुमार »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

रिमझिम बरसै पनियाँ हे,
सुनोॅ ए धनियाँ।

बादल गरजै, बिजुरी चमकै
झम-झम झमाझम, पनियाँ झमकै।
झमकै जेना गदरल जवनियाँ हे
सुनोॅ ए धनियाँ॥

सावन बरसै, भादोॅ बरसै
जाड़ गुलबिया, बदनमां सरसै।
कसमस करै नथुनियां हे
सुनोॅ ए धनियाँ॥
कोन्टा-उहारी, छर-छर बरसै
पोखरी मेॅ राहू-बोआरी चमकै।
चमकै जे अखिया के पनियाँ हे
सुनोॅ ए धनियाँ॥

बकरी सिनी भागै, बैहारी सेॅ देखोॅ
बुतरू सिनी नाहै, दुआरी पेॅ देखोॅ।
ऐंगना मेॅ नाहै दुल्हनियाँ हे
सुनोॅ ए धनियाँ॥

घरोॅ-दुआरी, बैहारी मेॅ पानी
मनमां जे उमकै, हे पानी-बेपानी।
उगै जे सतरंग असमनियाँ हे
सुनोॅ ए धनियाँ॥