हमरोॅ पावन देश / ब्रह्मदेव कुमार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ब्रह्मदेव कुमार »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हवां पंखा जहाँ डोलाबै, मेघें पानी पियाबै
झैरी भरी-भरी आबै, हमरोॅ पावन देश।
हमरोॅ भारत देश॥

सुग्गां सगुन उचारै, कौवा सन्देश सुनाबै
कोयलें गीत मिट्ठो गावै, हमरोॅ पावन देश।
हमरोॅ भारत देश॥

जहाँ बहै गंगा-धार, बरसै यमुना के प्यार
सरस्वती गावै राग-मल्हार, हमरोॅ पावन देश।
हमरोॅ भारत देश॥

ऋषि-महर्षि केरोॅ ज्ञान, जहाँ धरै नित ध्यान
सोची देशोॅ के कल्याण, हमरोॅ पावन देश।
हमरोॅ भारत देश॥

हिमालय के चोटी न्यारा, हर-हर महादेव के नारा।
मान सरोबर देव-पयारा, हमरोॅ पावन देश।
हमरोॅ भारत देश॥

जहाँ सत्य-अहिंसा के राज, अध्यात्म के सजै साज
विश्वगुरू के पिन्हलोॅ ताज, हमरोॅ पावन देश।
हमरोॅ भारत देश॥