भारत की संस्कृति के लिए... भाषा की उन्नति के लिए... साहित्य के प्रसार के लिए
काळ बरस रौ बारामासौ (सांवण) / रेंवतदान चारण
Kavita Kosh से
आशिष पुरोहित (चर्चा | योगदान) द्वारा परिवर्तित 12:21, 8 मई 2019 का अवतरण ('{{KKGlobal}} {{KKRachna |रचनाकार=रेंवतदान चारण |अनुवादक= |संग्रह=...' के साथ नया पृष्ठ बनाया)
सुणियौ सांवण मास में झड़ियां बरसै मेह
पण काळ पड़यौ अेड़ौ कटक नैणां झरियौ नेह
हेली हींडा हींडती पूछै तरवर पात
कैड़ी लागै काळ में बैरागी री बात
बैना बांधण राखड़ी पूगी पीहर पौळ
काळ बिछेवौ कर गयौ मन में पड़गी मौळ
बीनणियां बिलमाय मन बद बद करै बखांण
पण सेवण सांवण मास में पाड़ी काळ पिछांण
सांवण में सर सूखियौ पांणी सूनी पाळ
जळ पताळां पूगियौ करड़ौ पड़ियौ काळ
