Last modified on 15 जून 2019, at 20:10

बड़का के गोठ / ध्रुव कुमार वर्मा

सशुल्क योगदानकर्ता ५ (चर्चा | योगदान) द्वारा परिवर्तित 20:10, 15 जून 2019 का अवतरण ('{{KKGlobal}} {{KKRachna |रचनाकार=ध्रुव कुमार वर्मा |अनुवादक= |संग्...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

बड़का के गोठ हा हाथी कस दाँत हे
काम के न धाम के, बड़े-बड़े बात हे।

एती बर कानून अऊ ओकर बर ओती,
बइला के कमई ल गोल्लर ह खात हे।

साधू सन्यासी के भेष ल बनाए
रावण ह सीता के कुंदरा मं जात हे।

राहू ह चंदा ल लील दिए हाबय
नाव भर के एहा पुन्नी के रात हे।

लइका मन डबरा मं मेचका कुदावय
रांधत हे गुरुजी इसकुल मं भात हे।

कोन जनी कोन डहर सीता लुकागे
खोजत ओला गांव मं बेंदरा मन आत हे।

बाई ल जबले मिले हे सरपंची
घर वाला ओकर तपत अघात हे।