कद भूली मैं / नीलम पारीक

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

नीलम पारीक »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कद भूली मैं
वो सिंझ्या स्यू सवेरे ताईं री उडीक
वो अँधेरे स्यूं डरतो मेरो जीव
वे नींद स्यू विहीन रातां
जिणरा ठा नही कितना संजोया सुपना
नहीं भूली वे काळी सूनी रातां
सुपना तो दूर आँख्या में नीर भरी रातां
शिकायत भी करती तो किन स्यू
कौन हो मेरो
जी स्यु आस ही वो ही नी हो अपणो
रूठ न जावे इण बात रो बी डर
सालतो रात्यु दिन
मन रे किणी कुने में
अंकुरायो आस रो बिरवो
कदै मुरझावतो तो
कनाई झूठे प्रेम री बिरखा स्यूं पांघर जांवतो
पाल्यो पोस्यो बनतो रह्यो रूंख
पर अजे ही न लाग्यो
इमरत फल तो दूर
फगत सौरम देंवतो पुष्प
लाग्या तो बस कीं पानडा
तीखी नोक रा
इण रूंख री छियां भी तेरी खातर ही है
मेरे हिस्से तो आज भी बस
तीखा कांटे दार पानडा ही है