भारत की संस्कृति के लिए... भाषा की उन्नति के लिए... साहित्य के प्रसार के लिए
चिंता छोड़ बिहान के / सिलसिला / रणजीत दुधु
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:04, 28 जून 2019 का अवतरण ('{{KKGlobal}} {{KKRachna |रचनाकार=रणजीत दुधु |अनुवादक= |संग्रह=सिलस...' के साथ नया पृष्ठ बनाया)
हँसऽ खेलऽ धनिया चिंता छोड़ऽ बिहान के।
के जाने हे कल्हे की होतय जहान के।
जीवन के एको पल न´ केकरो बस के,
चाहियो के न´ होतो रहवा तरस के,
कोय न´ बदल सकऽ हे विधि के विधन के,
हँसऽ खेलऽ धनिया चिंता छोड़ऽ बिहान के।
जइते बीतो जिनगी बइसे हँस बितावऽ
हमरा ढेरो कमी हे मन में न´ लावऽ,
कतनो कोय कुछ बोलो न´ खोलऽ जुबान के
हँसऽ खेलऽ धनिया चिंता छोड़ऽ बिहान के।
फेरू अबरी छारवो हम टुटली मड़इया के
पीहा तो दुधवा विआय दा बुढ़िया गइया के
बाल बच्चा हो जीअऽ एकरे धन मान के
हँसऽ खेलऽ धनिया चिंता छोड़ऽ बिहान के।
