भारत की संस्कृति के लिए... भाषा की उन्नति के लिए... साहित्य के प्रसार के लिए
मइया होल पराया / सिलसिला / रणजीत दुधु
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:48, 28 जून 2019 का अवतरण ('{{KKGlobal}} {{KKRachna |रचनाकार=रणजीत दुधु |अनुवादक= |संग्रह=सिलस...' के साथ नया पृष्ठ बनाया)
अइते महरानी फइलइलकी अपन माया
जिंदगी देवेवाली मइया होल पराया
दुधवा पिला-पिला हमरा कइलक सियान
हमरें में बसल हे ओकर सभे दिन से परान
दुख हमरा होवऽ हल कलपऽ हल एकर काया
जिंदगी देवेवाली मइया होल पराया
सुगवा कउर मइनमा कउर कह-कह खिलावऽ हल
लोरी सुना सुना हमरा रोजे सुतावऽ हल
एकोपल न´ हमरा से हटवऽ हल अपन साया
जिंदगी देवेवाली मइया होल पराया
हमर विआह कते धूमधाम से कइलक
टोला पड़ोसी हित नाता सभे के बोलइलक
पइर पुजी कइलक पेन्हा पेन्हा लुगा नाया
जिंदगी देवेवाली मइया होल पराया
