भारत की संस्कृति के लिए... भाषा की उन्नति के लिए... साहित्य के प्रसार के लिए
बिसकरमा तोला बलावत हे / चैतराम व्यास
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:22, 5 अगस्त 2019 का अवतरण ('{{KKGlobal}} {{KKRachna |रचनाकार=चैतराम व्यास |अनुवादक= |संग्रह= }} {{KK...' के साथ नया पृष्ठ बनाया)
तइहा के बइहा लेगे, जुन्ना जम्मों नन्दवत हे ।
अउनावा निरमान करे बर, नाना जुग ह आवत हे ।
फेर नाबा निरमान करे बर नावा जुग ह आदत हे ।
छानी म कऊंबा कांव करे
भुईया म सुरूज पांव धरे
अगनां म सोन चिरइया ग
सिरजन गीत सुनावत हे ।
बारी बखरी लट लट फुलगे
अमरइया के किसमत खुलगे
डोली म मेहनत के गंगा ह
लहर लहर लहरावत हे
खुलगे कारखाने बड़े बड़े
विज्ञान मदद बर हवे खड़े
आडर पाके करिया बादर ह
अमरित रस बरसावत हे ।
जांगर देवता खोलव आंखी
उजियारी खुद देही साखी
सुख सपना संसार घरे
बिसरकरमा तोला बलावत हे
अउ नवा निरमान करे बर
नवा जुग ह आवत हे ।
