भारत की संस्कृति के लिए... भाषा की उन्नति के लिए... साहित्य के प्रसार के लिए
सहर के बिमारी / संजीव चंदेल
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:15, 12 अगस्त 2019 का अवतरण ('{{KKGlobal}} {{KKRachna |रचनाकार=संजीव चंदेल |अनुवादक= |संग्रह= }} {{KKCat...' के साथ नया पृष्ठ बनाया)
गांव के टूरी चिपरी।
आन गांव के मोटीयारी॥
जाइसे तोला सहर के रे
लागे हावय परेम बिमारी ॥
गांव के टूरी...
आंख म लगाए चसमा।
जिऊमा नइ हे मोरे बस मा॥
टुकुर टुकुर देखय पारा भर
गारी देवय तोरे महतारी॥
गांव के टूरी...
ओंठ म चढ़ाए लाली।
कान म फंसाए बाली॥
चुंदी म खापे फुलवा।
हांसय देख तोरे महतारी॥
गांव के टूरी...
दगा दइथे सहर वाला मन।
छोड़ी दइथे रद्दा म ओ मन॥
एती के न ओती के तय रइवे।
आबै तय हर अपन खोर दुयारी॥
गांक के टूरी...
