भारत की संस्कृति के लिए... भाषा की उन्नति के लिए... साहित्य के प्रसार के लिए
गाड़ीवाला / चितरंजन कर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:13, 18 अगस्त 2019 का अवतरण ('{{KKGlobal}} {{KKRachna |रचनाकार=चितरंजन कर |अनुवादक= |संग्रह= }} {{KKCatCh...' के साथ नया पृष्ठ बनाया)
घुंच-घुंच गा गाड़ीवाला, मोटरकार आत हे
एती-ओती झन देख तें, इही डाहार आत हे
तोर वर नोहे ए डामर सड़क हा
तोर वर नोहे गा तड़क-भड़क हा
तोर गाड़ी ला खोंचका-डिपरा मेड-पार भाथे
तोर बइला मन के दिल हे दिमाग हे
कार बपरी के अइसन कहां भाग हे
ओला नइ पिराय कभु जस तोला पिराथे
तोर गाड़ी म जब बइठे किसानिन
किसुन-रुकमणी सही फबौ तुमन, गौकिन
एला देख के कारवाला के मुंह मा लार आथे
तें झिन ललियावे दूदिनियां सौंक बर
बइठ के कार मा नइ जाए कउनो उपर
जिनगी के सुख-चैन ह तब बेकार जाथे
