भारत की संस्कृति के लिए... भाषा की उन्नति के लिए... साहित्य के प्रसार के लिए
गठरी के गांठ कस भारी हे मन / प्रेमजी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 14:18, 19 अगस्त 2019 का अवतरण ('{{KKGlobal}} {{KKRachna |रचनाकार=प्रेमजी |अनुवादक= |संग्रह= }} {{KKCatChhattisga...' के साथ नया पृष्ठ बनाया)
पथरा पहाड़ कस भारी हे मन
दुहरा असाढ़ कस भारी हे मन
जिनगी के फोटू मां कुछु न काही
बिख करिया डांड कस भारी हे मन
कइसन मया, मोर पीरा हा बाढिस
सौतेली लाड़ कस भारी हे मन
जेकर अकास के बादर उड़ागे
वइसन कछार कस भारी हे मन
जता चढ़ैव उप्पर सुन्ना ला पाएंव
लम्बा रे ताड़ कस भारी हे मन
दुख रे थे हाट, दुख काकर तिर बेचों
गठरी के गांठ कस भारी हे मन
