भारत की संस्कृति के लिए... भाषा की उन्नति के लिए... साहित्य के प्रसार के लिए
जाड़ के मारे / पीसी लाल यादव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 22:53, 26 अगस्त 2019 का अवतरण ('{{KKGlobal}} {{KKRachna |रचनाकार=पीसी लाल यादव |अनुवादक= |संग्रह=मै...' के साथ नया पृष्ठ बनाया)
जाड़ के मारे सुरूज, जंगरोतिहा होगे।
रात उरमाल रिहिस, तेन धोतिया होगे॥
फूलत-फरत राहेर म, झपागे किरवा,
अकरसहा बादर-पानी, परलोखिया होगे।
आगी घलो काँपत हे, जुड़ म लुद-लुद,
बड़े बिहनिया सो-उठ, खर्रा सेखिया होगे।
चारों मुड़ा छाय हवे, लहोलेत्ता धुंधरा,
माड़ा म सपटे बघवा, घलो कोलिहा होगे।
फुलगी म बइठे कोकड़ा, अगरोत रऊनिया,
सुरूज के आरो लेवत, यहा मंझनिया होगे।
भर्री तापत बइठे बबा, डोकरी ल कहत हे,
देख नवा दुल्हिन कस, देंह पोतिया होगे।
कनकनावत जाड़ तभो? लइका मारे कुदेल्ला,
दामा दे के डर म अब, सुरूज रेंधिया होगे।
