जिनगी भरि हम कनैत रहलहुँ / बाबा बैद्यनाथ झा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

बाबा बैद्यनाथ झा » पहरा ईमान पर »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जिनगी भरि हम कनैत रहलहुँ
जुल्म अहाँक सभ सहैत रहलहुँ

नारीक रूपमे जनम लेल तेँ
कठपुतरी बनि नचैत रहलँहु

देखि हमर हालतिकेँ अपने
खुलि-खुलि खूब हँसैत रहलहुँ

त्याग, दयाकेर मूर्ति बनल हम
मोमबत्ती सन जरैत रहलहुँ

तामस नहि भड़कय अपने केर
एहि डरसँ हम डरैत रहलहुँ

आश्वासनकेर बोल जहर सन
अहाँ कहैत हम सुनैत रहलहुँ

केहनो योग्य बनी तइयो हम
तिलक वेदी पर चढ़ैत रहलहुँ

ककरा लग दुःख प्रगट करू हम
तिल-तिल कऽ तेँ गलैत रहलहुँ

लऽ कोदारि अपनहि हाथेऽ हम
कब्र अपन कियै खुनैत रहलहुँ

भऽ निराश हम एहि जिनगीसँ
मौतक दिन नित गनैत रह लहुँ