भारत की संस्कृति के लिए... भाषा की उन्नति के लिए... साहित्य के प्रसार के लिए
काशी गो छोरौ / राजेन्द्र देथा
Kavita Kosh से
आशिष पुरोहित (चर्चा | योगदान) द्वारा परिवर्तित 16:13, 29 नवम्बर 2019 का अवतरण ('{{KKGlobal}} {{KKRachna |रचनाकार=राजेन्द्र देथा |अनुवादक= |संग्रह= }...' के साथ नया पृष्ठ बनाया)
काशी गो छोरौ
आवै स्यैर स्यूं गांव
चंद्रयान परछेपण आले दिन
काशी उण री ऊडीक मांय
टेशण माथै बैठ्यौ फूंकै
बीड़ी माथै बीड़ी लारला दो घंटां ऊं
छोरौ आंवतौ इ पगां लाग'र
बतावै बापू नै-
"बापू आज आपणै देस
चांद माथै राकेट भेजण री खेचल करी है"
काशी इण बात नै
पांचवी बीड़ी सागै उडाय'र केवै-
"दरडे़'म जावै चांद अर दूजै'म देस
तू तो ओ बता नै'र मांय पाणी कद आसी?
"कीं पतौ?
