भारत की संस्कृति के लिए... भाषा की उन्नति के लिए... साहित्य के प्रसार के लिए
मिट्ठा सबाद / कैलाश चौधरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 22:20, 26 दिसम्बर 2019 का अवतरण ('{{KKGlobal}} {{KKRachna |रचनाकार=कैलाश चौधरी |अनुवादक= |संग्रह= }} {{KKCat...' के साथ नया पृष्ठ बनाया)
लोग कहऽ हथी कि
आज भलाय के जमाना नञ हे
पर भलाय अइसन पेड़ हे कि
ओकरा में भलइये फरतों ।
जदि ओकरा सींचबहु
कोड़बहू-पटइबहु आउ
ओकरा मे खाद पानी देबहू
त बुराई थोडे फरतों ।
आम के पेड़ मे
नीम नञ फर सके हे
फरतों त आमे फरतों ।
ओइसही आज जमाना
केतनों खराब हो गेल हे
भलाय के फल
भलाइये मिलतों ।
एही से भलाय के काम
छोड़े के नञ चाही
चाहे केतनो उलझन आ जाय
भलाय के काम करते रहऽ
समय पर फूलतों-फलतों
आउ पकला पर
अमृत जइसन
मिट्ठा सबाद मिलतो ।
