भारत की संस्कृति के लिए... भाषा की उन्नति के लिए... साहित्य के प्रसार के लिए
बदी के अगवानी / मुनेश्वर ‘शमन’
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:02, 26 दिसम्बर 2019 का अवतरण ('{{KKGlobal}} {{KKRachna |रचनाकार=मुनेश्वर 'शमन' |अनुवादक= |संग्रह=सप...' के साथ नया पृष्ठ बनाया)
लूट-हत्या रेप-नरसंहार।
अब कहाँ सिरजे हे हैरानी।
आदमी के मर गेलय पानी।।
एक जइसन सुर्खिया अखबार के।
रोज खूनी खेल के गाथा।
औरतन के दरद में लपटाल।
खबर अइसन, जाय झुक माथा।
घटना-दुरघटना खुले-बाजार।
आदमीयत होलय बेमानी।
आ गेलय कइसन अजब मउसम।
सगरो पसरल कोय अजानल डर।
जिनगी के घुट रहल अब दम।
चलन नयका दौर के बरबर।
भला-सच्चा आजकल लाचार।
जुलमी-जालिम करय मनमानी।
कारवाँ के डगमगाबइत डेग।
अधमरु-सन सफर के उत्साह।
कने-कने त• जा रहल हे इन्सान।
जानवर जइसन पकड़ के राह।
फरक नत्र, क राही के बटमार।
बदी के, हो रहल अगवानी।
