भारत की संस्कृति के लिए... भाषा की उन्नति के लिए... साहित्य के प्रसार के लिए
देसगान / मुनेश्वर ‘शमन’
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:02, 26 दिसम्बर 2019 का अवतरण ('{{KKGlobal}} {{KKRachna |रचनाकार=मुनेश्वर 'शमन' |अनुवादक= |संग्रह=सप...' के साथ नया पृष्ठ बनाया)
गूँजइत रहय हवा में सुर ताल,
भारत के जयगान के।
जय हो देस महान के।
जय-जय हिन्दुस्तान के।
माथे मुकुट महान हिमालय।
उर पर दरिया के माला।
हरियर चुनरी तन पर, पाँव-
पखारय सागर मतवाला।
जन-जन के जियरा में बसय हे
महिमा एककर आन के।
जय-जय हिन्दुस्तान के।
देस अनोखा ई दुनिया में।
प्यार हियाँ पुजल जाहे।
धरती के पुजा साथे, नदी-
नार हियाँ पूजल जाहे।
अल्ला-इसवर-ईसा संगे
लोग पुजय मेहमान के।
जय-जय हिन्दुस्तान के।
हम सब फूल एहे बगिया के।
एकर मान बढ़इवय हम।
अप्पन महक बिखरे वतन के-
वेदी पर चढ़ जइबय हम।
आजादी के रच्छा खातिर।
देबई कीमत जान के।
जय-जय हिन्दुस्तान के।
