भारत की संस्कृति के लिए... भाषा की उन्नति के लिए... साहित्य के प्रसार के लिए
आस / मुनेश्वर ‘शमन’
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:08, 26 दिसम्बर 2019 का अवतरण ('{{KKGlobal}} {{KKRachna |रचनाकार=मुनेश्वर 'शमन' |अनुवादक= |संग्रह=सप...' के साथ नया पृष्ठ बनाया)
नित भोरे बुझय झिलमिल तारा-
फिन साँझ पहर उग आवे हे।
ई देख जगल जीअय के ललक-
बिसवास गेल बढ़ जीवन के।।
हे रहल रीत कायरता के –
आवल भय से घबरावे हे।
बस अरज-अरज के हार हियाँ-
हारल मन के समझावे हे।
लेकिन पतझड़ में भी भौंरा-
संदेसा दे हइ गुंजन के।।
अब उग अइलय जियरा में सच,
संसय के धीरज टूट गेलय।
कुछ दु:ख जन्मल तऽ नया, मुदा
रहिये में केतना छूट गेलय।
ठहरल हे कब तक लहकल दिन
धूर-फिर आवय रितु सावन के।।
हम मन से ललसा के बिखरल
चुन रहलूँ मोतियन, हो तन्मय।
जिनगी के गीत के फिर से हम,
सजबयहूँ दे-दे के सुर-लय।
हम सीख लेलूँ हे, दीवा जरइने
रक्खय ले अब आँगन के।।
