भारत की संस्कृति के लिए... भाषा की उन्नति के लिए... साहित्य के प्रसार के लिए
बैरी बदरा / मुनेश्वर ‘शमन’
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 14:39, 27 दिसम्बर 2019 का अवतरण ('{{KKGlobal}} {{KKRachna |रचनाकार=मुनेश्वर 'शमन' |अनुवादक= |संग्रह=सप...' के साथ नया पृष्ठ बनाया)
घर में पाहुन बैरी बदरा सूना हमर अँगना सखिया।
बरजूँ बार-बार बेदरदी मानय नञ कहना सखिया।।
थम-थम गरजे रिमझिम बरसे,
हमर जियरबा तिल-तिल तरसे।
साँझ पहर बेकल बन निकलूँ,
देहरी पर, पल-पल में घर से।।
सावन में कहवाँ भरमइलन, परदेसी सजना सखिया !
घर-पिछूअउती झिंगुर झनके;
सेज छुअय पग पायल छनके।
रसवन्ती रतिया, बिन रसिया,
माटी लगय देह चन्नन के।।
निंदिया पलक दुआर न आवय छेड़ करय कंगना, सखिया !
भरल ताल प्यासल मन-गगरी,
तकि-तकि हँसय गगन में बिजुरी।
बेंत के बाँह पकड़, बरखा में,
पचतावय बेली के लतरी।।
नेह के पीर निठुर की जानय चैन परय पल ना, सखिया !
